2026 წლის 27 მარტს სკოლაში მოეწყო შეხვედრა სენაკის პროკურატურის წარმომადგენლებთან. შეხვედრას ესწრებოდნენ IX; X ;XI ;XII კლასის მოსწავლეები. შეხვედრის მიზანი იყო ნარკოტიკის მოხმარებასთან დაკავშირებით კანონში შეტანილი ცვლილებების გაცნობა, ცნობიერების ამაღლება ნარკოტიკების მავნე თვისებასა და პრევენციის გზებზე.

შეხვედრა წარიმართა კითხვა - პასუხის რეჟიმში. განიხილეს სხვადასხვა შემთხვევა, მასთან დაკავშირებული პრობლემები და კანონით გათვალისწინებული სასჯელი.

მემორანდუმის ფარგლებში 2026 წლის 24 მარტს მოეწყო შეხვედრა ტურისტული ცენტრის სპეციალისტ გაიოზ ძიძიგურთან. შეხვედრაში მონაწილეობდნენ მე-9 და მე-10 კლასის მოსწავლეები, ისტორიის მასწავლებელი გიორგი ჯანგველაძე და სკოლის დირექტორი ზაზა პიტავა.

შეხვედრის მთავარი მიზანი იყო მოსწავლეებში ტურიზმისა და მხარეთმცოდნეობის პოპულარიზაცია,ახალგაზრდების ცნობიერებისა და აქტიურობის ამაღლება.

ტურიზმის ცენტრის ხელმძღვანელმა გაიოზ ძიძიგურმა ისაუბრა ცენტრის ფუნქციებზე, საქმიანობასა და მიზნებზე. ღონისძიება ჩატარდა დისკუსიის ფორმატში, ისაუბრეს ტურიზმის მნიშვნელობაზე, მოსწავლეებმა გამოთქვეს თავისი მოსაზრებები, ჰქონდათ შეკითხვები. შეხვედრამ საინტერესოდ ჩაიარა, დიდი მოწონება დაიმსახურა მოსწავლეებში. დაიგეგმა ექსკურსია თერჯოლის მუნიციპალიტეტში - ნავენახევის კასტრულ მღვიმეში.

სსიპ აბაშის მუნიციპალიტეტის სოფელ მარანის საჯარო სკოლის მოსწავლეებმა მონაწილეობა მიიღეს აბაშის საგანმანათლებლო რესურსცენტრის ორგანიზებით მოწყობილ საკონფერენციო კონკურსში: ,,დავით აღმაშენებელი - დიდი სახელმწიფო მოღვაწე და ძლევამოსილი მხედართმთავარი".

სკოლის ადმინისტრაციამ გამოავლინა

ორი გამარჯვებული თემა:

მე - 9 კლასი: ლიზა ჯანელიძე, მარიამ ფრანგიშვილი.

მე - 11 კლასი: თამარ ჩიტეიშვილი, ბახვა გიგინეიშვილი, სერგო ვაჩეიშვილი.

მოსწავლეებმა საგანმანათლებლო რესურსცენტრში წარადგინეს მეფე დავითის ისტორიულ-კულტურული კონტექსტი.აუდიტორიას გააცნეს ის ღირებულებები და ფასეულობები, რაც დავით აღმაშენებლის ეპოქისთვის იყო დამახასიათებელი.

მონაწილეებს გადაეცათ სერტიფიკატები.

აბაშის მუნიციპალიტეტის მიერ გამართულ ,,ქართული ლიგის"იუმორისტულ ფესტივალში მონაწილეობა მიიღეს მარნის საჯარო სკოლის მოსწავლეებმა და ღირსეული მესამე ადგილი მოიპოვეს.

წარმატებებს ვუსურვებთ მათ